Азаматтық авиация академиясы Рига әуе навигациясы институтымен ынтымақтастық туралы келісімне қол жеткізді

Бүгін Алматы қаласында Азаматтық авиация академиясы мен Рига әуе навигациясы институты (RAI) арасында ынтымақтастық туралы келісімге қол қойылды. Келісім жоғары оқу орындары арасындағы оқыту сапасын арттыруға бағытталған тәжірибе, білім, адами және материалдық ресурстармен алмасуды көздейді.

Алдағы бес жыл ішінде жоғары оқу орындары конференциялар, ғылыми жобалар және тағылымдамалар ұйымдастыру бойынша тығыз жұмыс істейтін болады, ал академия студенттері Латвиядағы Еуропаның жетекші институттарының бірінде оқып, практикадан өтетін мүмкіндікке ие болады. Келісім негізінде ынтымақтастықты дамыту үшін Жол картасын бекіту деген ой бар.

Естеріңізге сала кетейік, Азаматтық авиация академиясының проректоры Рига әуе навигациясы институтына жұмыс сапары аясында келісімнің алғашқы қадамдарын қалаған болатын.

Рига әуе навигациясы институты – авиация және көлік салалары үшін мамандар даярлап келе жатқан 80 жылдан астам тарихы бар Латвияның беделді оқу орны. Институтт білім беру саласында инновациялық тәсілдермен және авиациялық ұйымдармен тығыз байланысымен танымал, бұл студенттерге жоғары сапалы білім беру мен сәтті жұмысқа орналасу мүмкіндіктерін қамтамасыз етеді.