📢 Азаматтық авиация академиясының ректоры бірінші курс студенттерімен кездесті

16 қазан күні Азаматтық авиация академиясының ректоры бірінші курс студенттерімен кездесу өткізді. Кездесу барысында академияның негізгі даму бағыттары, стратегиялық мақсаттары мен міндеттері, сондай-ақ академиялық саясат таныстырылды.

Ректор академияның білім сапасын арттыру, материалдық-техникалық базаны жақсарту және халықаралық ынтымақтастықты кеңейту бойынша ұзақ мерзімді стратегиялық жоспарлары туралы айтып берді. Студенттерге оқу бағдарламаларын модернизациялау мен заманауи білім беру технологияларын енгізуге ерекше назар аударылды, бұл студенттердің еңбек нарығында сұранысқа ие білім мен дағдылар алуға мүмкіндік береді.

Сонымен қатар, ректор академияның оқу процесі, бағалау және академиялық этикаға қатысты негізгі принциптері мен ережелерін таныстырды. Академиялық адалдықты сақтау және оқу іс-шараларына белсенді қатысудың маңыздылығын атап өтті, академияның жоғары білікті мамандарды даярлауға бағытталғанын айтты.

Кездесу соңында ректор студенттердің кері байланысының маңызды екенін атап өтіп, ашық диалогқа дайын екенін білдірді. Ол студенттердің академиялық және қосымша оқу процесіне қатысты сұрақтарына жауап беріп, студенттерді академияның өміріне белсенді қатысуға, өз ұсыныстары мен идеяларын енгізуге шақырды. Бұл кездесу академияның басшылығы мен студенттер арасында сенімді қатынастар орнатуға, сондай-ақ олардың оқу процесіне сәтті интеграциялануына көмектесуге бағытталды.