ЖЕР СІЛКІНІСІ КЕЗІНДЕ ҚАЛАЙ ӘРЕКЕТ ЕТУ КЕРЕК ЕКЕНІН АЗАМАТТЫҚ АВИАЦИЯ АКАДЕМИЯСЫНЫҢ СТУДЕНТТЕРІ ҮЙРЕНДІ 🌍⚠️

Бүгін сағат 10:00-де Азаматтық авиация академиясында оқу дабылы қағылды . Студенттер, оқытушылар және қызметкерлер ғимараттан ұйымдасқан түрде шығып , сапқа тұрды . Одан кейін академияның Қауіпсіздік қызметінің басшысы төтенше жағдайлар кезіндегі, атап айтқанда жер сілкінісі кезіндегі ережелерін еске салды. Аталған жағдайларда ең бастысы — сабырлылық пен қырағылықты сақтау керектігін атап өтті, сондай-ақ келесі жалпы қабылданған ережелерге назар аударған болатын:

- Жер сілкінісіне дейін (дайындық):

Эвакуация жоспарын жасаңыз: үйде , көшеде және жұмыста қауіпсіз орындарды алдын ала анықтап қойыңыз.

Жиһаз бен ауыр заттарды бекітіңіз: сілкініс кезінде олар құлап кетуі мүмкін.

Төтенше жағдайларға арналған сөмке жинаңыз: оған су , тамақ , дәрі-дәрмек , фонарь , құжаттар және ақша салыңыз.

- Жер сілкінісі кезінде:

Ғимарат ішінде:

Іште қалыңыз. Сыртқа жүгірмеңіз, бұл қауіпті болуы мүмкін.

Қауіпсіз орын табыңыз: үстелдің астында, есік жақтауларында, терезелерден , айналардан және құлап кетуі мүмкін ауыр заттардан алыс тұрыңыз.

Басыңыз бен мойыныңызды қорғаңыз: қолдарыңызбен немесе заттармен жабыныңыз.

Лифт пайдаланбаңыз.

Көшеде:

Ғимараттардан, ағаштардан , бағандардан және электр сымдарынан аулақ болыңыз.

Үстіңізге ештеңе құлап кетпейтін ашық жерді табыңыз.

Көлікте:

Көпірлерден, туннельдерден және ғимараттардан мүмкіндігінше алыс жерде тоқтаңыз.

Сілкініс тоқтағанша көлікте болыңыз.

-Жер сілкінісінен кейін:

Өзіңізді және айналаңыздағы адамдарды тексеріңіз, жарақат алмағаныңызға көз жеткізіңіз.

Қауіпті аймақтардан аулақ болыңыз: қираған ғимараттарға , электр сымдарына және басқа да қауіп-қатер көздеріне жақындамаңыз.

Ашық отты пайдаланбаңыз, себебі газдың ағуы мүмкін.

Байланыста болыңыз: радио , теледидар тыңдаңыз немесе телефондағы хабарламаларды қадағалап, құтқару қызметтерінен хабар күтіңіз.

Кейінгі сілкіністерге дайын болыңыз — жер сілкінісінен кейінгі толқындар қауіпті болуы мүмкін.