Алматы облысында авиация мамандарын даярлау жөніндегі халықаралық орталық құрылысының жобасы талқылануда

Бүгін Алматы облысының әкімі М.Е. Сұлтанғазиев пен Азаматтық авиация академиясының ректоры Б.Қ. Сейдахметовтің маңызды кездесуі өтті. Кездесуде Еуропалық ұшу қауіпсіздігі агенттігінің (EASA) стандарттарына сәйкес авиамамандарды даярлау жөніндегі халықаралық орталықтың құрылысын іске асыру талқыланады.

Орталық Ұйғыр ауданына қарасты Бахар кентінде орналасады, бұл бұрын Қазақстан Республикасы Қорғаныс министрлігіне тиесілі болған ұшу-қону жолағын тиімді пайдалануға мүмкіндік береді. Дайын ҰҚЖ-ның болуы оқу әуежайын салу шығындарын айтарлықтай азайтады.

Әкімдіктің қолдауы және өңірлік даму

Азаматтық авиация академиясы Алматы облысының әкімдігіне қажетті инфрақұрылымдарды: электр, сумен жабдықтау, газ, сондай-ақ кірме жолдар мен жол бойындағы жарықтандыруды қамтамасыз етуге жәрдемдесу туралы ұсыныс жасады. Бұл жобаны іске асыру оқу инфрақұрылымын дамытуға ғана емес, сонымен қатар өңір үшін жаңа мүмкіндіктер, атап айтқанда жолаушылар тасымалын ұйымдастыру және туризмді дамыту әлеуетін ашуға септігін тигізеді.

Аймаққа күтілетін әсері:

- Жаңа жұмыс орындарын құру;

- Сағатына 80 адамға дейін қызмет көрсете алатын терминал салу;

- Өңірдің авиациялық инфрақұрылымын нығайту және заманауи әуе кемелерін қабылдау мүмкіндігі;

- Алматы облысының логистикалық әлеуетін кеңейту;

- Төтенше жағдайларда жедел әрекет ету мүмкіндігін арттыру;

- Шағын авиация мен авиатасымалды дамыту;

- Іскерлік белсенділікті арттыру, оның ішінде дүкендер, қонақ үйлер және кафелер ашу.

Азаматтық авиация академиясынан күтілетін нәтижелер:

- EASA стандарттары бойынша оқу орталығын сертификаттау;

- Шетелдік авиакомпаниялар мен студенттерді тарту;

- Академияның авиациялық техникасы мен персоналын орнықтыру.

Жоба Қазақстанның 2030 жылға дейінгі көлік-логистикалық әлеуетін дамыту тұжырымдамасына толық сәйкес келеді және елдің авиациясы мен халықаралық қауымдастық үшін жоғары білікті кадрларды даярлауда маңызды қадам болмақ.