ҚР Көлік министрлігінде Қазақстанның көлік жүйесін дамытуға өзінің көп үлесін қосқан Алигужинов Серік Қарабатыровичтың құрметіне еске алу кеші өтті.

Серік Қарабатырович өз мансабын 1967 жылы Павлодар жүк автотрестінің №2564 автоколоннасында инженер лауазымында бастап, көп ұзамай Павлодар жүк автобасқармасының бас механигі және бас инженері, Павлодар облыстық тұрмыстық қызмет көрсету басқармасының бастығы, Павлодар қалалық атқару комитетінің төрағасы және Қазақ КСР автомобиль көлігі министрінің бірінші орынбасары сияқты жетекші лауазымдарға ие болды.

1994-1995 жылдар аралығында Алигужинов Серік Қазақстан Республикасы Көлік және коммуникация министрлігін басқарды және елдің көлік инфрақұрылымындағы елеулі өзгерістерге ықпалын тигізді.

Серік Қарабатыровичтың көлік жүйесіне қосқан зор үлесі мен жетістіктеріне құрмет таныту үшін еске алу кешіне әріптестері мен жақындары жиналды.

Әріптестері өз сөздерінде Серік Қарабатыровичтың Қазақстанның дамуына қосқан үлесінің маңыздылығын атап өтті. Ал қызы, Алигужинова Алма, әкесі туралы жылы естеліктерімен бөлісіп, оның ісіне деген адалдығы мен мейірімділігін атап өтті.

Алигужинов Серік Қарабатырович көлік саласының тарихында өшпес із қалдырды және оның мұрасы онымен жұмыс істеген және білген адамдардың жүрегінде мәңгі өмір сүретін болады.