Азаматтық авиация академиясының нұсқаушысы Нұрсұлтан Назарбаев халықаралық әуежайында курс өткізді

Нұрсұлтан Назарбаев халықаралық әуежайындағы Авиациялық қауіпсіздік қызметкерлеріне (АҚҚ) арналған «Авиациялық профильдеу» курсын 20 жылдық педагогикалық тәжірибесі бар нұсқаушы Марина Богачева жүргізді.

Тексеру бөлімшесінің инспектор-профиліші және ауысым бастықтары жолаушылар тәртібін талдау саласындағы білімдерін арттыруға тамаша мүмкіндік алды.

*Авиациялық профильдеу – жолаушылар мен экипаж мүшелерінің мінез-құлқы мен сипаттамаларының авиациялық қауіпсіздікке төнетін ықтимал қатерлерін бағалау үшін талдау әдісі. Ол ықтимал қауіптерді анықтау және әуе кемелерінің бортындағы оқиғалар мен лаңкестік шабуылдардың алдын алу үшін қолданылады. Бұл процесс ықтимал қауіпсіздік қатерлерімен байланысты болуы мүмкін басқа да аспектілер туралы ақпаратты жинауды және талдауды қамтиды.