Министр Саясат Нұрбек Азаматтық Авиация Академиясының ұжымымен кездесті
"Академия-классикалық ЖОО емес, оның жеке мәртебесі және өзіндік білім беру вертикалы болуы тиіс",-деп ҚР Ғылым және жоғары білім министрі Саясат Нұрбек студенттермен және профессорлық-оқытушылық құраммен кездесуде өз ойларымен бөлісті.
23 қарашада Алматы қаласына жұмыс сапары аясында министр Азаматтық Авиация Академиясына барды. Танысу тікелей бақылау пунктінде басталды, онда министр қауіпсіздік жүйесі арқылы ғимаратқа кіре алды. Бұл жүйе кіруді бақылап қана қоймай, академияның кешенді қауіпсіздігін қамтамасыз етеді. Сонымен қатар жабдықта "Авиациялық қауіпсіздік" білім беру бағдарламасы бойынша практикалық сабақтар өткізіледі.
Министрдің басшылықпен кездесуі виртуалды форматта және ЖОО сайтында әрекет ететін қоғамдық қабылдау бөлмесінде өтті. Ректор Бекен Сейдахметов министрге Академияның 2025 жылға дейінгі даму стратегиясын іске асыру кезеңдерін таныстырды. Министр Министрліктің алдында тұрған міндеттерімен бөлісті. Жаңа министрліктің бірінші кезектегі мәселелері білім беру процесінің сапасы мен цифрландырылуы болады деп болжанған болатын, бірақ іс жүзінде халыққа жоғары білімнің қолжетімділігін қамтамасыз ету проблемасына, атап айтқанда жатақханалардағы орындардың тапшылығына және кампустардың ескірген инфрақұрылымына тап болды. Студенттер сапа туралы сұрады. Министр "бәрі қаржылық мәселелерге байланысты" деген шынайы жауап беріп, гранттардың құнын арттыру, ғылымды дамыту мүмкіндіктерін кеңейту жоспарлары туралы айтты. Оқытушылар шетелдік және отандық кадрлар әртүрлі бағаланатынын, сондай-ақ ЖОО инфрақұрылымын уақтылы және сапалы қамтамасыз ету рәсімінің күрделілігі туралы айтты.
Министр оқу орнының саладағы және Орталық Азия өңіріндегі рөлін күшейтудің маңыздылығы, саланың қажеттіліктерін қанағаттандыру және білім беру қызметтерін одан әрі экспорттау үшін ұшқыштар мен инженерлерді даярлау бойынша EASA еуропалық сертификатын алу мақсатында Академияның материалдық-техникалық базасын ұлғайту қажеттігін атап өтті. Сондай - ақ, Академия жанындағы аккредиттелген халықаралық оқу орталықтарын-ICAO және IATA дамытуға баса назар аударды. Бұл орталықтар студенттерді ғана емес, сонымен қатар сала қызметкерлерінің біліктілігін арттырады.
Министр академияға сапарын жас ғалымдар мен студенттердің ғылыми жетістіктері көрмесіндегі экспонаттармен таныстырумен аяқтады.